ابن الصومعة إنسان من هالجبل الشامخ، تعلق قلبو بـ كل حبة من تراب ضيعتو اللي انجبل بعرق الفلاح وتقدّس بنوايا الناس الطيبين؛ سافر مع كل نسمة من هوا ا. . .  لسنديان، والصنوبر المزروع فوق تلالا، عشق عاداتا وتقاليدا، سكر ع كل موال وصرخة أوف من راعي مسرّح قطيعو بـ هالجرد. خاف من الحضارة المزيفة اللي عمبتغزي محيطو، تألم لما شاف الناس البيسافرو كيف بيقسى قلبن، وبينسو الأيام لكانت تضحكلن والسعادة الكانو عايشين فيا لم كانو زغار، ما عاد عندو وسيلة غير مكاتيب الشوق والحنين، وخبار الضيعة، يحملا لأول طياره مسافرة، أو مركب رايح، يمكن الكلمة تليِّن قلب البعيد، وترجع تشدّو من جديد لضيعتو الباقيي على طيبتا ومحبتا لولادا البعاد. عشر مكاتيب"، حكايات من الضيعة انكبت بصدق وأمانة، وخلدت حياة ناس عاشو ع البساطة والمعاملة الطيبة والبركة لما فارقت أرضنا نهار. عشر مكاتيب" سنكسار حكايات ضياعنا، حفظو "انطون خياط" قبل ما تشلعو مواكب الأيام.   Show.